Оқушылар аналар үйіне кітап сыйлады

Ақтау қаласындағы Назарбаев Зияткерлік мектебінің кітапханашылары және «Bookstart» жобасының қатысушылары халықаралық әйелдер күні қарсаңында облыс орталығындағы «Аналар үйіне» барды. Олар жас аналарды құттықтап, бүлдіршіндерге кітаптар мен ойыншықтар сыйлады, - деп хабарлайды mangystaumedia.kz сайты Ақтаудағы Назарбаев зияткерлік мектебінің баспасөз қызметіне сілтеме жасап.

««Bookstart» авторлық жобасы ата-ананың көмегі арқылы бала бойына кітап оқу мәдениетін сіңіруді көздейді. Әр жыл сайын Ақтаудағы Назарбаев Зияткерлік мектебі «Аналар үйіндегі» балаларға кітап сыйлайды. Үшінші жыл ұйымдастырылып отырған», - дейді аға-кітапханашы Жанар Бахитова.

Оқушылар аталған жобаға қатысқандықтарына өте қуанышты екендерін айтады.

«Аналар үйіндегі балалар ауысып тұрады. Сондықтан әр барғанда әртүрлі бөбектерді жолықтырамыз. Ойыншықтар сыйлап, олармен ойнап, көңіл-күйіміз көтеріліп қалады», - дейді 12-сынып оқушысы Нұрсая Сарғожаева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.