Жаңа жыл: Ақтауда мандарин қаншадан сатылып жатыр?

Мандарин – жаңа жылдың символына айналды. Сұраныс артқан сайын баға шарықтап, сауда қызады. Kazinform сайты өңірлердегі мандарин бағасын салыстырып көрді, деп хабарлайды mangystaumedia.kz сайты.

Ел аумақтарындағы баға – әр түрлі. Мәселен, Ақтауда мандарин түріне қарай 750 теңгеден бастап, 1300 теңгеге дейін жетеді. Ал Қазақстан бойынша ең арзан мандарин – Талдықорғанда. Мұнда баға – 500-900 теңге аралығында.

Астана мен Павлодар – мандарин бағасы бойынша ең қымбат өңірлер, 1800 теңге.

Мемлекеттік кірістер комитетінің мәліметінше, Қазақстанға мандаринді импорттаушы негізгі елдер – Қытай, Пәкістан және Түркия.

Биыл қаңтар-қазан айы аралығында республикаға құны 35 607,2 мың АҚШ доллары болатын 51 969,9 тонна цитрус және экзотикалық жемістер импортталды. Өткен жылға қарағанда елімізге жеткізілген мандарин көлемі айтарлықтай артқан.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.