Қазақтың әйгілі әншісі Димаш «Karić brothers award» сыйлығына ие болды

Сербияда 3 желтоқсан күні "Ағайынды Карич қоры" сыйлығын табыстау рәсімі өтті. Қуанышты жаңалықпен әнші жеке парақшасында бөлісті, деп хабарлайды mangystaumedia.kz сайты.

«Сербияның Белград қаласында “Karić brothers award” сыйлығына ие болдым. Мені әрдайым қолдап жүрген барша тыңдарман қауымға шын жүректен алғыс»,- деп жазды әнші.

Айта кетейік, "ағайынды Карич қоры" сыйлығы әлемге әйгілі ғылым,журналистика,экономика, мәдениет және қоғам қайраткерлеріне табысталады. Бұл марапат бұған дейін Нобель сыйлығының лауреаттары Ж.Альферов, П.Хандке ,кинорежиссер Е.Кустурица, қоғам қайраткері М.Мазари, теннисші Новак Джокович, актер Стивен Сигал секілді дарынды адамдарға табысталған.

Сондай-ақ бейбітшілікті нығайтқаны үшін Қазақстанның тұңғыш Президенті Н.Назарбаев мәртебелі сыйлыққа 2015 жылы ие болған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.