Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
_nse3jWYORpSwu9B1RPb8VPFvCUn3JA.jpeg)
© Tengrinews.kz
Кем дегенде үш қазақстандық қала ауыл санатына ауыстырылуы мүмкін. Тиісті өзгерістер ұлттық экономика министрлігі жарлығының жобасында көрсетілген, деп хабарлайды mangystaumedia.kz сайты tengrinews.kz сайтына сілтеме жасап.
Құжат 26 қыркүйекке дейін жалғасатын "Ашық НҚА" порталында жарияланған. Онда халық саны 10 мың адамнан аз қалалар ауыл мәртебесіне ауыстырылатыны айтылады.
"Халық саны 10 мың адамнан кем, әкімшілік-аумақтық заңнаманың талаптарына сәйкес келмейтін қалаларда олардың әкімшілік мәртебесін өзгерту бойынша жұмыстар жүргізіледі", - делінген бұйрықтың жобасында.
Бұл қалалар:
* Степняк - Ақмола облысы Біржан сал ауданының әкімшілік орталығы. Халық саны - 3800 адам;
* Темір - еліміздің Ақтөбе облысы Темір ауданындағы қала. Темір қалалық әкімшілігінің орталығы - 2100 адам;
* Жем - Қазақстанның Ақтөбе облысы Мұғалжар ауданындағы қала. Халық тығыздығы - 1500 адам / км2.
Сондай-ақ құжатта тұрғыны көп ауылдардың мәртебесі де қайта қаралатыны көрсетілген. Елдегі 17 ірі ауыл мәртебеге сәйкес келмейді.
"Мысалы, Маңғыстау облысының Бейнеу ауылында 54 мың адам, Түркістан облысының Қарабұлақ ауылында 50 мың адам, Алматы облысының Ұзынағаш ауылында 47 мың адам тұрады",-делінген құжатта.
2025 жылға қарай Қазақстанда облыстық маңызы бар қалалардың шекарасында орналасқан дербес ауылдар мен кенттердің болуына талдау жүргізілмек.
"Бұл "ҚР әкімшілік-аумақтық құрылысы туралы" заңның талаптарына қайшы келетіндіктен, мұндай ауылдар мен кенттердің мәртебесі қайта қаралып, шағын аудан түрінде қаланың құрамдас бөлігі болуға тиіс", - делінген құжатта.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.