Қазақстанда сот сараптамасының жаңа түрі жүргізіледі

© Pixabay

Әділет министрлігі сот сараптамасы органдары жүргізетін сот сараптамаларының түрлерінің және Қазақстан Республикасының Әділет министрлігі біліктілік беретін сараптамалық мамандықтардың тізбесіне қосымша дайындады, деп хабарлайды mangystaumedia.kz сайты zakon.kz-ке сілтеме беріп.

Атап айтқанда, тізім тиісті сарапшылық мамандығы бар сот сараптамасының мынадай түрімен толықтырылды:

Зияткерлік меншік объектілерінің сот сараптамасы.

Даралау құралдарын олардың ұқсастығына криминалистикалық сараптама.

Түсіндіргендей, толықтыру зияткерлік меншік объектілері бойынша сот сараптамасын тағайындау көлемінің артуына байланысты енгізілуде.

“Бұл сараптамалық зерттеу бұрын азық-түлік емес тауарлардың тауарлық сараптамасы шеңберінде жүргізілген, дегенмен зерттеу пәні тауарларға емес, олардың сәйкестендіру құралдарының белгілерін адамның қабылдауына байланысты мән-жайлар болып табылады. Және тауартану саласындағы арнайы ғылыми білімдерге қатысы жоқ. Осыған байланысты сот сараптамасының жоғарыда аталған түрін тәуелсіз сараптама түріне бөлу қажеттілігі туындады", - делінген негіздемеде.

Құжат 21 мамырға дейін қоғамдық талқылау үшін "Ашық НҚА" сайтында орналастырылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.