Қарағанды ​​облысындағы жарылыс: үйінді астынан екі адамның денесі шығарылды

Қарағанды ​​облысының Ботақара кентінде құтқарушылар тұрмыстық газдың жарылуы салдарынан құлаған үй қирандыларының астынан екі адамның денесін алып шықты. Оқиғадан 5 адам зардап шеккен, оның үшеуі – балалар, деп хабарлайды mangystaumedia.kz Kazinform-ға сілтеп.

Еске сала кетсек, 2024 жылғы 30 қаңтарда сағат 00:07–де Бұқар жырау ауданы, Ботақара кентіндегі Әуезов, 8а мекенжайы бойынша екі қабатты, екі кіреберісі бар 12 пәтерлі тұрғын үйдің екінші қабатында орналасқан № 10 пәтерде жарылыс болды.
Одан кейін пәтердің шатыры, оның қабырғалары мен жабындылары толық опырылып түсті. Жарылыс № 10 пәтерде болған. Бірінші қабатта орналасқан № 7 пәтер мен екінші қабаттағы № 10 пәтердің жалпы ауданы 300 шаршы метр. Жапсарлас орналасқандықтан № 7 пәтерге де қатты зақым тиді, оның қабырғалары да құлаған.

Үй 2014 жылы салынған. Оның жалпы ауданы 510 шаршы метр.

Сондай-ақ төтенше жағдай кезінде бірінші қабаттағы № 5, 6, 8, екінші қабаттағы № 11, 12 пәтерлер жарым-жартылай зақымданған. Үйде барлығы 46 адам тұрады, жарылыс кезінде үйде 35 адам болған.

«Сағат 00:11–ден 03:37–ге дейінгі аралықта құтқару жұмыстары кезінде қирандылар астынан қаза болған екі адамның денесі шығарылды. Жарақат алған бес адам Бұқар жырау аудандық Төтенше жағдайлар департаментінде 8-7212-517223 нөмер бойыша сенім телефонын жұмыс істей бастады. 25 азаматқа жедел психологиялық көмек көрсетілді» – деді Қарағанды облыстық Төтенше жағдайлар департаменті.

Оқиға орнында жедел штаб құрылды. Жұмысқа 139 адам мен 32 техника жұмылдырылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.