Биыл бірінші жартыжылдықта қазақстандықтар балаларына қандай ат қойған

© Фото: pixabay.com

Ұл бала есімдерінің үштігіне Әлихан, Алдияр және Әмір, қыз бала есімдерінің үштігіне Медина, Айлин және Айша кіреді, деп хабарлайды mangystaumedia.kz деректер хабына сілтеме жасап.

Сондай-ақ, ұлдарға арналған ең танымал есімдердің ондығына Омар, Алан, Айсұлтан, Мұхаммед, Нұрислам, Хамза және Әли кірді.

2021 жылдың маусымынан бастап бұл тізімде көп нәрсе өзгерген. Алдияр, Амир және Омар есімдері рейтингтің төменгі орнынан жоғарыға жылжып, әлдеқайда танымал болды. Бірақ Нұрислам мен Айсұлтан есімдері 2 жыл бұрын үздік үштікке кірсе, қазір олар тіпті үздік бестікке де кірмейді.
Алинұр мен Әмір есімдері тізімнен мүлдем жоғалып кетсе, тізімде Мұхаммед пен Хамза пайда болған. Әлихан есімі бұрынғыдай көшбасшы позицияда.

Қыздардың есімі бойынша ең танымалы:

Медина, Айлин, Айша, Асылым, Томирис, Сафия, Раяна, Айым, Амина, Аяла.

Бұл жағдайда қазақстандықтардың қалауы айтарлықтай өзгермеген. 2021 жылдың маусымындағыдай, Медина мен Айлин есімдері рейтингтің алғашқы орнында. Ал Айым мен Амина – төменде.

Дегенмен, кейбір өзгерістерді әлі де байқауға болады. Айша есімінің танымалдығы өсті – енді ол үш көшбасшыны озып тұр, 2 жыл бұрын бұл есім 4-орында тұрған еді. Томирис есімі бірден 10-орыннан 5-орынға көтерілді.

Сонымен қатар, қыздарға Раяна мен Аяла есімдері аз қойыла бастады. Ал Айзере тізімнен мүлдем жоғалып кетті. Оның орнына Сафия деген ат көп қойыла бастаған.

2023 жылдың І жартыжылдығында барлығы 189,5 мың бала (ұлдар – 98 мың, қыздар – 91,5 мың) дүниеге келді. Бір жыл ішінде жаңа туған нәрестелер санының төмендеуі 4,3% (8,6 мың адам), 2 жыл ішінде – 12,3% (26,7 мың адам) құрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.