Алматыда жоғалған белгілі боксшы он күннен кейін аман табылды

14 желтоқсанда Алматыда із-түзсіз жоғалып кеткен қарағандылық ардагер боксшы Серік Нұрқазов табылды, деп хабарлайды mangystaumedia.kz Алматы қалалық ПД-нің баспасөз қызметіне сілтеме жасап.

Бокстан Еупопа чемпионы Медеу ауданындағы мекенжайдан шығып, кері оралмағаны туралы бұған дейін айтылған болатын. Кейін боксшының жақындары оған іздеу салып, іздеу жұмыстары басталды.

«1959 жылы туған С.Нұрқазов аман-есен табылып, туыстарына тапсырылды. Бұрын хабарланғандай, із-түзсіз жоғалған азаматтың мекен-жайын анықтау үшін арнайы іздеу тобы құрылған еді», - деп жазылған Алматы қалалық ПД таратқан ақпаратта.

Көпшілікті алаңдатқан спортшының жоғалған күндер ішінде қайда жүргені әзірге белгісіз.

Серік Нұрқазов бокстан 1983 жылы Болгарияның Варна қаласында өткен Еуропа біріншілігінде топ жарған. КСРО-ның үш дүркін чемпионы атанған. Сондай-ақ, әлем кубогының күміс және Еуропа чемпионатының қола жүлдесіне ие болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.