Алматы облысында жасөспірімдердің жаппай төбелесі видеоға түсіп қалды

Алматы облысының ауылында жасөспірімдер жаппай төбелескен, деп хабарлайды mangystaumedia.kz сайты Tengrinews.kz-ке сілтеме жасап.

Видео авторының айтуынша, төрт жасөспірім ауыр жағдайда ауруханаға түскен.

Алматы облысы полиция департаментінің хабарлауынша, төбелес Жәпек батыр ауылындағы мектеп оқушыларының арасында болған.

«Бұл факт аудандық полицияда ҚК-нің 293-бабы, яғни «Бұзақылық» бабы бойынша тіркелген. Тексеру барысында 29 қарашада 2008 жылғы 9-сынып оқушысы мен 2007 жылы туған 10-сынып оқушысы арасында келіспеушілік туындап, арты жаппай төбелеске ұласқаны анықталды. Бұл факт бойынша бұзақылық әрекеттер жасаған оқушылар жауапкершілікке тартылды. Қазіргі уақытта қажетті тергеу әрекеттері жүргізіліп жатыр. Сондай-ақ, психологтар төбелеске қатысқан оқушыларға профилактикалық тәрбие жұмыстары жүргізіліп жатыр», - деді Алматы облысы ПД бастығы Бауыржан Аленов.

Полиция төрт жасөспірімнің ауруханаға жатқызылғанын растаған жоқ. Департаменттің мәліметінше төбелес кезінде екеуі жеңіл жарақат алған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.