Шекара қызметі Каспий теңізіндегі браконьерлік әрекеттердің алдын алды

Қазақстан Республикасының Шекара қызметі Каспий теңізінің биологиялық түрлерінің сақталуына бағытталған шараларды әрі қарай іске асырып жатыр, деп хабарлайды mangystaumedia.kz сайты комитеттің баспасөз қызметіне сілтеме жасап.

2020 жылғы қазан және қараша айларында Каспий теңізінің акваториясында браконьерлік әрекеттердің жолын кесу және акваториялық ресурстарын күзету бойынша РФ ФҚҚ ШҚ бірлескен жедел алдын алу іс-шарасы өтті. Соның нәтижесінде шекаралық кеңістікте 111 бұзушы, оның ішінде 20 шекаралық режимді, 89 аймақтық және ішкі сулардың, балық аулау ережелерін бұзған 2 адам ұсталды.

2,66 млн.теңге көлемінде айыппұл салынды.

5 жүзбелі құрал, 9 қозғалтқыш, 281 астам шақырым браконьерлік ұстау құралдары, 71 басқа аулау құралдары тәркіленді. Соның ішінде: 1 573 дана (7,8 мың.кг) бекіре тұқымдас балықтары, 4 719 (4,6 мың. кг) дана әртүрлі тұқымдас балық, сонымен қатар 41 итбалық тәркіленді.

Каспий теңізінде Шекара қызметінің іс-қимыл қорытындысы бойынша әртүрлі биологиялық ресурстардың 2 млрд теңгеден астам шығынның алдын алды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.