Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Қазақстанның 12 облысында коронавирус жұқтыру деңгейі қайта өсіп барады. Бұл туралы Денсаулық сақтау министрлігінің Санитарлық-эпидемиологиялық бақылау комитетінің төрайымы Айжан Есмағамбетова мәлім етті, деп хабарлайды mangystaumedia.kz сайты ҚазАқпаратқа сілтеме жасап.
«Қазақстандағы эпидемиологиялық жағдайға талдау жасай отырып, соңғы аптада алдыңға аптадан қарағанда ауру жұқтыру деңгейі 1,2 есе артқанын атап өтеміз. Ауру жұқтыру деңгейі республиканың 12 өңірінде байқалады», - деді Айжан Есмағамбетова ОКҚ-да өткен баспасөз мәслихатында.
Комитет басшысы сонымен бірге оқушылардың коронавирус жұқтыру жағдайына тұрақты түрде мониторинг жүргізіліп келе жатқанын атап өтті.
«Оқу жылы басталғалы бері оқушылардың арасында 250 бала коронавирус инфекциясын жұқтырып алды. Олардың ішінде кезекші сыныпта оқитын балалардың саны – 105 жағдай. Осы балалармен қарым-қатынаста болған 1426 адам анықталды. Сол адамдардың ішінде 19 кісінің коронавирус жұқтырғаны белгілі болды», - деді ол.
Айжан Есмағамбетова қашықтан оқып жатқан оқушылардың ішінде де вирус жұқтырғандары тіркелгенін мәлім етті.
«Бұл бағытта жұқтырудың 145 жағдайы тіркелді. Олармен байланыста болған 348 адам анықталып, соның ішінде коронавирус жұқтырған 22 адам белгілі болды», - деді ол.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.