Бейнеуде балаларға арналған ойын-сауық орталығы ашылды

Бейнеу ауданы Балта Палуан атындағы орталық стадионда балаларға арнап жаңа «Salem Kids» ойын-сауық орталығы ашылды, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Ашылу салтанатына аудан әкімінің міндетін атқарушы Рахымжан Шалбаев, бөлім басшылары, аудан тұрғындары қатысты.

Бұл балаларға арналған ойын орталығы ауданымыздың кәсіпкерлік саласына жаңа леп әкелді десек те болады. Жаңа үлгіде салынып, жоғары сапалы жабдықтармен жасақталған ойын-сауық орталығы балаларымыздың бос уақытын тиімді өткізуіне мүмкіндік береді. Ата-ана үшін баланың қуанышты жүзін көру үлкен бақыт. Бұл орталықта ойын алаңдарының түр-түрі қарастырылған екен. Бүгінгі ашылып жатқан ойын-сауық орталығы баршамызға құтты болсын, - деді аудан әкімінің міндетін атқарушы Рахымжан Шалбаев.

Ойын сауық орталығының басшысы Кеңесбай Қосмағанбетовтың сөзінше ойын алаңы заманауи үлгідегі барлық керекті жабдықтармен қамтамасыз етілді. Оған қоса тамақтануға арналған кеңістік, әжетхана, апаттық шығу есігі де қамтылған.

Барлық ойын алаңдары мен жалпы залдың едені жұмсақ қабаттармен қапталып, ойнау кезіндегі бүлдіршіндердің қауіпсіздігі жан-жақты қарастырылған. Ойын алаңы бір мезгілде 1-15 жас аралығындағы 100 балаға қызмет көрсетіп, 20 адамға жұмыс ұсынып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.