Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облысы ПД есірткіге қарсы іс-қимыл басқармасы қызметкерлері кинолог мамандармен бірлесе, қызметтік-іздестіру иттерін қолдану арқылы жедел-іздестіру іс-шаралары кешенін өткізу барысында Ақтау қаласының 46 жастағы тұрғынын ұстады, деп хабарлайды mangystaumedia.kz облыстық ПД баспасөз қызметіне сілтеме жасап.
Күдікті Мұнайлы ауданындағы өнеркәсіптік базада контейнер ішінде құрамында есірткі бар "марихуана" өсімдігін өсіру бойынша фитонарколабораторияны ұйымдастыру бойынша айыпталып отыр.
Контейнерді тінту кезінде: каннабиод тектес өсімдіктердің 17 бұтасы ("марихуана"), "марихуана" есірткі заты бар екі банка және екі байлам тәркіленді. Тәркіленген "марихуананың" жалпы салмағы - 351 грамды құрады. Сондай-ақ, 41 қорап марихуана тұқымы тәркіленді.
Ақтау қаласының аумағында тұрақты тұрғылықты жерін тінту барысында азаматтан жалпы салмағы 3 келі бекіре тұқымдас балық тәркіленді. Барлық алынған заттар бойынша сараптама тағайындалған.
Аталған дерек бойынша ҚР ҚК 300-бабы 1-бөлігі, ҚР ҚК 339-бабы 1-бөлігі бойынша Мұнайлы ауданының полиция бөлімінің СДТБТ-де тіркелді. Тергеу мүддесі үшін өзге ақпарат жария етілмейді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.