Жантөрин театры қаңтар айында қандай қойылымдарды ұсынады?

Н.Жантөрин атындағы музыкалық драма театры қаңтар айына арналған репертуарын ұсынды, - деп хабарлайды mangystaumedia.kz сайты.

15 қаңтар күні Әбіш Кекілбаевтың «Күй» шығармасы сахналанады.

17 қаңтар күні Иран-Ғайыптың «Диоген мен Ескендір» әфсанасы көрермен қауымға ұсынылады.

18 қаңтар сағат 11:00-де «Белоснежка және жеті гном» балалар ертегісін тамашалай аласыз.

Ал «Пай-пай жас жұбайлар-ай» комедиясы 19 қаңтар күні сахна төрінде қойылады.

Н.Птушкинаның «Күтпеген махаббат» атты комедиялық мелодрамасын 22 қаңтар күні көре аласыз.

24 қаңтарда «Хан кегі» атты поэтикалық драмасы сахналанса, 25 қаңтарда «Ірімшік құмар тышқандар» ертегісінің премьерасы өтеді.

Қаңтардың 26 жұлдызында «Бес бойдаққа бір той» комедиясы қойылып, көрермен жүзіне күлкі ұялатады.

Ай соңғы күндері, яғни 29 қаңтар «Атын өшсін...» трагикомедиясы сахналанса, 31 қаңтар күні «Қозы Көрпеш – Баян Сұлу» атты екі бөлімді трагедия көрермен назарына ұсынылады.

Ескерту: Билеттер театр кассасында сатылады. Алдағы уақытта облыстық театр тарапынан өзгерістер болуы мүмкін.

Жұлдызай ҚАЛИЕВА

Суретті ұсынған Т.ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.