"Маңғыстау-Медиа" фототілшісі "Жыл журналисі" атанды
[ 2019 ] 14 желтоқсан, 16:06 | Жаңалықтар
"Маңғыстау-Медиа" ЖШС фототілшісі Сәби Майемеров облыстық "Жыл адамы-2019" байқауында үздік танылып, "Жыл журналисі" аталымын жеңіп алды.
Сондай-ақ, Тәуелсіздік күні қарсаңында өткен мерекелік шарада Сәби Сәрсенбайұлының төл туындылары фотокөрмеде көпшілік назарына ұсынылды.
Фотокөрме "Маңғыстау-Медиа" мекемесінің мерекеге орай жасаған шашуы болды. Көрмені облыс, аудан, қала әкімдері мен басқа да көрермен тамашалады.
Сәби Майемеров 2006 жылдан бері облыстық «Маңғыстау» газетінде фототілші қызметін атқарып келеді. БАҚ саласында 20 жылға жуық тәжірибесі бар ол еңбек жолын 2000 жылы «Қазақстан-Ақтау» (қазіргі «Маңғыстау») телеарнасында оператор болып бастаған.
1324
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
