Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бұл жайында Манғыстау облыстық әкімдігінде облыстық денсаулық сақтау басқармасының, фармассоциалардың өкілдерінің және медициналық ұйымдарының басшылықтарының қатысуымен өткен «Самрұқ Қазына-Фармация» ЖШС-нің көшпелі жұмыс отырысында айтылды.
Отырыста кепілдендірілген тегін медициналық көмек шеңберінде дәрі-дәрмекпен, медициналық мақсаттағы бұйым мен медициналық техникамен қамтамасыз етумен байланысты бірыңғай дистрибуция мәселелері талқыланып, ортақ пікірлер ортаға салынды.
-Бүгінгі отырыста медициналық ұйымдарды дәрілік заттармен және сапалы дәрілік құралдармен және медициналық мақсаттағы бұйымдармен үздіксіз қамтамасыз ету, дәрілік заттар мен медициналық мақсаттағы бұйымды сақтау және логистикасы, медициналық ұйымдардың «СҚ-Фармация» ЖШС алдындағы берешектері жайында сөз болды. Сондай-ақ, дәрілік қамтамасыз етудің болжау мен жоспарлаудың тетігін құрып, бірыңғай дистрибуцияның қызметтерінің перспективасын талқыладық. Мұндай кездесулер жыл сайын кестеге сай өткізіледі. Айта кеткім келеді Маңғыстау облысында «СҚ-Фармация» ЖШС-мен ешқандай проблема жоқ, дәрі-дәрмекпен толықтай қамтамасыз етіліп отыр. Біздің мекеменің жұмысымен толық танысқысы келген адам сайтымызға кіріп, мәлімет ала алады. Сайтымызда мәліметтер үш тілде қойылған. Елімізде дәрі-дәрмектің қоры жеткілікті. Тіптен біз 2017 жылдың жоспарын жасақтап жатырмыз, жұмысымыз жүйелі жолға қойылған,-дейді «СҚ-Фармация» ЖШС басқарма төрағасы Нұржан Әлібаев.
Жиналыс қорытындысында отырыс барысында айтылған барлық нақты мәселелер мен қатысушы жауапты тараптар арасында бөлінген міндеттер көрсетілген хаттамаға қол қойылды.
Венера МИРЛАН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.