Ақтауда қала аумағында жайылған жылқылар қамалды
[ 2019 ] 27 мамыр, 06:21 | Жаңалықтар
Ақтауда қала аумағында жайылып, жасыл желектерге түскен жылқылар қамалды. Бұл туралы қала әкімдігінің баспасөз қызметі мәлімдеді, - деп хабарлайды mangystaumedia.kz сайты.
"Ақшұқыр тұрғыны Исағали Бүркітбаевтың 21 бас жылқысы 17-20 шағынаудан аумағында жайылып жүрген. Жануарларды "Қала жолдары" ЖШС-нің қызметкерлері мекеменің мал қамайтын базасына апарып қамады", - делінген хабарламада.
Жергілікті полиция қызметінің инспекторы мал иесіне Әкімшілік құқық бұзушылық туралы кодекстің 505 бабы бойынша xаттама толтырылған. Бұл баптың 1 тармағы бойынша жеке тұлғаларға 20 АЕК мөлшерінде айыппұл салынады. Егер бұл әрекет бір жыл ішінде қайталанса, 30 АЕК мөлшерінде айыппұл төлеуі тиіс.
Суретті Ақтау қаласы әкімдігі ұсынды
910
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
