Ақтауда букмекерлік кеңсені қаруланған екеу тонап кеткен (ВИДЕО)
[ 2019 ] 20 наурыз, 08:04 | Жаңалықтар
18 наурыз күні Ақтау қаласындағы букмекерлік кеңсеге қаруланған белгісіз екі тұлға шабуыл жасады. Күдіктілер кеңсе қызметкерін қарумен қорқытып, 130 мың теңге ақшалай қаражатты алып, қашып кеткен, – деп хабарлайды mangystaumedia.kz сайты.
Қылмыстық жағдай 6 шағынауданындағы букмекерлік кеңсенің бірінде сағат 07:20 болған. Полиция департаментіне сағат 13:15 шамасында букмекерлік кеңсеге маска киген екі азаматтың кіргені жөнінде хабарлама түскен. Қазір күдіктілер - Ақтау қаласының уақытша ұстау изоляторында.
https://www.youtube.com/watch?v=WbneA6z3O4w
«Жедел іздестіру іс-шараларын жүргізу барысында күдікті тұлғаларды Маңғыстау облысының ПД Криминалдық полиция басқармасының қызметкерлері ұстады. Қару-жарақтары тәркіленді. Аталған факті бойынша ҚР Қылмыстық кодексінің 192-бабының 2-тармағымен сотқа дейінгі тергеп тексеру басталды», - деп мәлімдеді Маңғыстау облысы полиция басқарамасының қызметі.
Жұлдызай ҚАЛИЕВА
1053
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
