Маңғыстау полициясы екі күнде 274 келі бекіре балығын тәркіледі

Сирек кездесетін және құрып бара жатқан, пайдалануға тыйым салынған жануарларды заңсыз аулаудың алдын алу мақсатында МО ІІД табиғатты қорғау полициясы рейд жүргізіп, екі күн ішінде Маңғыстау полициясы браконьерерден 274 келі бекіре балығын тәркіледі. 2018 жылғы 14 тамызда «Ақтау – Форт-Шевченко» жолының 30 шақырымында сағат 00:05 шамасында «KIA SPORTADE» көлігі тоқтатылады. Ол жалпы салмағы 236 келі болатын 58 дана бекіре балығын алып өтпек болған. https://www.youtube.com/watch?v=U7p8khuxoIM Осы күні сағат 01:30 шамасында Түпқараған ауданы Сайын ауылында «Форд ЭкоСпорт» көлігін тексеру барысында жүк салғышынан жалпы салмағы 25 келі 8 бекіре балығы табылған. 14 тамыз күні сағат 03:10 шамасыда «Ақтау – Форт-Шевченко» автожолының 30 шақырымында Ақтау қаласына бағыт алған «TOYOTA Corolla» көлігі тоқтатылады. Жүк салғышынан жалпы салмағы 13 келі 3 бекіре балығы табылған. «Бұл деректер Түпқараған аудандық ІІБ Сотқа дейінгі тергеп-тексеру тізілімінде тіркелді. Сотқа дейінгі тексеру жүруде», - деді ІІД ЖПҚ табиғат қорғау полициясының бастығы Бекқали Алдабергенов.

Суреттер мен видеоны МО ІІД ұсынды

[gallery td_select_gallery_slide="slide" ids="59839,59838"]