Маңғыстауда "Жыл адамы - 2017" жүлдесі табысталды (ВИДЕО, ФОТО)

21 желтоқсан күні  Маңғыстауда «Жыл адамы-2017» байқауы қорытындыланды.  Осылайша жүзден жүйрік, мыңнан тұлпар азаматтар жылдың үздік номинацияларын қанжығасына байлады.

[embed]https://youtu.be/UXoZ79XvTVI?list=PLGSGM9pf1rYmfVhHHraeHDM2aC_oYll6k[/embed]

Марапаттау кешінде «Жыл дәрігері», «Жыл құрылысшысы», «Жыл мұнайшысы», «Жыл журналисі», «Жыл жаңалығы» сияқты 19 номинация бар.  Сонымен марапат иелерінің тізімі төмендегідей:

• «Жыл мұғалімі» - Бейнеу политехникалық колледжі, «Компьютер құрылғыларына қызмет көрсету технигі» мамандығының арнайы пән мұғалімі Елмұрат Аяпов;
• «Жыл тәрбиешісі» - Қарақия ауданы, «Болашақ» балабақшасының тәрбиешісі Гүлайым Бөлтекова;
• «Жыл ғалымы» - Ш. Есенов атындағы КМТжИУ «Физика және математика» кафедрасының меңгерушісі, педагогика ғылымдарының кандидаты Асыл Касаева;
• «Жыл дәрігері» - «Жаңаөзен Қалалық Орталық Аурухана» ШЖҚ МКК, жан сақтау бөлімінің меңгерушісі Аманбай Орыналиев;
• «Жыл медбикесі» - Түпқараған аудандық орталық ауруханасының бас мейірбикесі Қатира Епенова;
• «Жылдың үкіметтік емес ұйымы» - «Маңғыстау облыстық Азаматтық альянсы» ЗТБ президенті Жібек Ахметова;
• «Жыл журналисі» - «Хабар Агенттігі» АҚ Маңғыстау облысындағы меншікті тілшісі Гүлмира Әбішева;
• «Жыл спортшысы» - Каратэ-додан әлем чемпионы, Азия чемпионы, Қазақстан чемпионатының бірнеше дүркін чемпионы Еркінбек Байтөреев;
• «Жыл полицейі» - Жаңаөзен қалалық ішкі істер басқармасы, тергеу бөлімінің аға тергеушісі, полиция майоры Нұржан Шүренов;
• «Жылдың мәдениет және өнер қызметкері» - Қазақстанның еңбек сіңірген қайраткері, М. Өскінбаев атындағы филармониясы ұлт аспаптар оркестрінің көркемдік жетекшісі, әрі бас дирижеры Рахат Мадреев;
• «Жыл фермері» - Бейнеу ауданы, «Берген Бек» ауыл шаруашылығы кооперативінің төрағасы Керуен Қырымқұлов;
• «Жыл жебеушісі» - «PRESTIGE» компаниясының бас директоры Ирина Беляева;
• «Жылдың үздік әлеуметтік қызметкері» - Мұнайлы ауданы әкімдігінің «Халықты жұмыспен қамту орталығы» КММ директоры Зәуреш Нұрболат;
• «Жыл мұнайшысы» - «Өзенмұнайгаз» АҚ, инженерлік-технологиялық қызмет орталығының басшысы Асылбек Айтмамбетов;
• «Жыл құрылысшысы» - «Актау НШ» ЖШС директорының кеңесшісі Нұрбек Күншығаров;
• «Жылдың үздік тұрғын үй – коммуналдық шаруашылық қызметкері» - «Маңғыстау Жылу» МКК, жылумен, кәріз жүйесімен қамтамасыз ету учаскесінің учаске басшысы Мақсат Құлшықов;
• «Жылдың әскери қызметкері» - «Жағалау күзеті өңірлік басқармасы» РММ, әскери психолог, майор Руслан Бәйімбетов;
• «Жыл кәсіпкері» - «Нейрон» ЖШС бас директоры Гүлшара Чагай;
• «Жыл жаңалығы» - «Мен Қазақпын» жобасының жеңімпазы Оспан Құлсымақ.

Маңғыстау облысы әкімдігі атынан «Жыл жаңалығы» номинациясына ие болған Оспан Құлсымаққа ат мінгізілді. «Хан Шахар» алдында бір топ дәстүрлі әншілер ән шырқап, шашу шашып, әнші Оспанды салтанатты түрде атқа мінгізді.

[embed]https://youtu.be/rD4Xju5Vwi8?list=PLGSGM9pf1rYmfVhHHraeHDM2aC_oYll6k[/embed]

Айгүл ДӘДЕН

Суреттерді түсірген Талант ҚҰСАЙЫН

[gallery td_select_gallery_slide="slide" ids="45155,45158,45159,45160,45161,45162,45163,45164,45165,45166,45167,45168,45169,45156,45170,45157"]