Түпқарағанның 500 оқушысына көмек көрсетілді

©

Жаз маусымында Түпқараған ауданында 4358 оқушы жазғы лагерьмен қамтылған.  Осылайша, аудан бойынша балалардың жазғы лагерьмен қамтылуы 70,1 пайызды құраған. Одан бөлек, Елорда төрінде өтіп жатқан ЭКСПО-2017» халықаралық көрмесіне ауданның 11-14 жас аралығындағы 120 аз қамтылған отбасы балалары қатысып келген.  Бұл жайында Түпқараған аудандық білім бөлімінің басшысы Айбаршын Утесбаева мәлімдеді.

-ҰБТ қорытындысы бойынша ауданның орташа көрсеткіші 80,54 балды құрап, облыс бойынша І орынды иеленді. 75 оқушымыз грантқа тапсырды, оның ішінде «Серпін» бағдарламасы бойынша-28. Жеті оқушысымыз «Алтын белгіні» қорғап, мемлекеттік грант иегері атанды,-дейді Түпқараған аудандық білім бөлімінің басшысы Айбаршын Утесбаева.

Биылғы жаңа оқу жылын аудан 9 жалпы білім беретін күндізгі мектеппен бастамақшы. Мұндағы оқушылар саны-7100. Оның ішінде мектепалды даярлыққа - 830, 1-сыныпқа 928 бала келеді деп жоспарлануда.

Сондай-ақ, ауданда биыл он жыл қатарынан «Мектепке жол» акциясы ұйымдастырылған. «Менің таңдауым-балаларға көмек көрсету!» ұранымен өткен акция аясында 500 оқушыға көмек көрсетілген. Салыстармалы түрде айтар болсақ, 2016-2017 оқу жылында аудан бойынша 394 оқушыға 6 283 500  теңге көлемінде көмек көрсетіліп, оқумен қамтылмаған балалар мен жасөспірімдерді анықтау мақсатында 178 рет рейд ұйымдастырылған болатын.

Венера МИРЛАН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.