Жасай бер, жайнай бер, Астана!

©

Әлем көз тіккен Елорда –  еңселі  елдігіміз бен тәуелсіздігіміздің тірегі. 6 шілде  Астана күніне орай облыс бойынша орта оқу ордалары мен мектепке дейінгі білім ұяларында бірқатар іс-шаралар өтті. Мәселен, Түпқараған ауданы «Айналайын» балабақшасында «Саған арнаймын, Астана!» тақырыбында спорттық-эстафеталық ойындар өткізілді. Мерекелік шараға бүлдіршіндер белсенді атсалысты. Асфальт бетіне түрлі-түсті суреттер салып, Елорда көрінісін бейнеледі.

«Айгүл» балабақшасы арнайы сабақтар ұйымдастырды. Информатика пәнінің мұғалімі А.Бермағамбетова «Әлем таныған Астана!» атты фото-көрме өткізді.

«Жауқазын» балабақшасында «Жеңісім саған Астана!» атты спорттық-эстафеталық сайыстар өтіп, «Жайнай бер, жарқырай бер, жас Астана!» атты мерекелік шара ұйымдастырылды. Балалар ән салып, өз өнерін көрсетті. «Астана - арман қала» тақырыбында асфальтқа әрі компьютермен сурет салу байқауы зор қызығушылық тудырды. Ал «Ақбота» балабақшасында «Елі сүйген Астана» атты ертеңгілік ұйымдастырылды.

Ақтау қаласында Астана күнін балабақша бүлдіршіндері көңілді атап өтті. «Батыр» бөбекжайы Астана күніне орай  «Асқақта, айбынды елдің Астанасы» тақырыбында ашық сабақ өтті.  Сурет байқауы,  мерекелік ойын-сауық ұйымдастырылды. Елорда туралы мәліметтер беріліп, көрікті орындары таныстырылды. Баланың ой-өрісін дамытып, қиялын ұштауда маңызы зор жұмбақтар жасырып, тақпақтар оқыды.  Балалар мен ата-аналарды балабақшамен байланыстыра отырып, патриоттық сезімдерін ояту, ұйымшылдыққа, отансүйгіштікке тәрбиелеуді мақсат тұтатын ойындар ұйымдастырылды.

«Алтын бесік» балабақшасында «Мерейлі – Астана» балалар арасында өтетін мәнерлеп оқу сайысы өткізілді. Бұл сайыста балалар Астана, Елбасы  туралы тақпақтарын оқыды, әр топтан 1-2 бүлдіршіннен қатысты. Сайысқа қатысқан бүлдіршіндердің жас ерекшеліктерін ескере отырып, жеңімпаздар анықталды. Бүлдіршіндерге тәттілер үлестірілді.

«Біздің балабақшада таңертең барлық топ бірлескен іс-шаралар өтті. Астана сәулеті, Елбасы турасында бейнебаяндар мен мультфильмдер көрсетілді. Тосын сый ретіне бүлдіршіндерге тәттілер таратылды. Бүлдіршіндер өз туындыларынан арнайы көрме ұйымдастырды. Мектеп алды даярлық тобының мүшесі Анель Бөкебаева 3-орынды иеленді. Жетекшісі – Наталья Вебер»,-дейді «Ертөстік» балабақшасының директоры Құралай Орынбасарқызы.

Голрох Жеменей

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.