Маңғыстаулық самбошылар ҚР чемпионатында 3 алтынмен оралды
[ 2017 ] 22 маусым, 06:44 | Жаңалықтар
Киелі Түркістан қаласында кіші жасөспірімдер арасында самбодан Қазақстан Республикасының чемпионаты мәресіне жетті. Байрақты бәсекеде облыстық «Жас батыр» мамандандырылған балалар мен жастар спорт мектебінің 4 балуаны топ жарып, чемпиондар сапынан көрінді. Қуанышты жаңалықпен балуандарды жарысқа дайындаған белгілі бапкерлер Берік Жұмағалиев пен Ерлан Серіков бөлісті.
Жарысқа еліміздің әр өңірінен келген 2001-2002 жылы туған 400-ге жуық балуан қатысты. Олардың арасынан 44 келі салмақта Әйгерім Еламанова, 66 келі салмақта Нұрбек Қуанышұлы, +84 келі салмақта Мұхаммед Зұлқарнаев жеңіс тұғырынан көрініп, чемпион атанды. Одан бөлек 50 келі салмақта Дәурен Төлегенов күміс жүлдеге қол жеткізді.
-Самбодан кіші жасөспірімдер арасындағы Қазақстан Республикасының чемпионаты 17-18 маусым аралығында Түркістан қаласында өтті. Жарысқа 15 шәкіртімді дайындап апардым, оның ішінен 4-еуі жеңімпаз атанды. Жалпы командалық есепте маңғыстаулықтар бірінші орынды иеленгенін айта кеткім келеді. Жарыстан жеңімпаз атанған төрт шәкіртім қыркүйек айында Ресейде өтетін Әлем чемпионатына қатысуға жолдама алды,-дейді облыстың жасөспірімдер арасында самбо күресінен аға жаттықтырушысы Ерлан Серіков.
Венера МИРЛАН
744
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
