ЭКСПО-да Американың ковбойлары көкпар тартады
[ 2017 ] 8 маусым, 04:37 | Жаңалықтар
АҚШ-тың Қазақстандағы Төтенше және өкілетті елшісі Джордж Кролдың айтуынша, АҚШ-тан келетін ковбойлар көкпар чемпионатына қатысады.
«Біздің дипломатиялық миссиямыз ЭКСПО көрмесі кезінде 20 мәдени шараны қаржыландыратын болады. Концерттер, кино көрсетілімдер, компьютерлер мен робототеxника семинарлары және тағысын тағылар. Бұдан бөлек, Америкадан келетін нағыз ковбойлар көкпар жарысына қатысады», - деді Крол кеше АҚШ павильонының таныстырылымына арналған брифингте.
Оның айтуынша, Америка ковбойлары бұған дейін Орталық Азияда өткен көкпар сайыстарына қатысқан. Сол кезде олар ойынның ережесін біліп алды. «Енді, ковбойлар өз аттарын әкелмейді. Себебі жергілікті жануарлар көкпарға жақсы бейімделген. Сосын біздің жылқыларымыз осы жақтан қорқады. Өйткені сіздер жылқының етін жейсіздер», - деп әзілдеді елші. Айта кетейік, Астанадағы ЭКСПО-2017 көрмесі аясында көкпардан I Әлем чемпионаты ұйымдастырылады. Жарыс 21-28 тамыз күндері Этноауылда өтеді.
Дереккөз: inform.kz
1117
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
