Аль-Аттия: Ақтауда болғаныма қуаныштымын! (Спортшылардың фиништегі әсері)

Раллидің бүгінгі кезеңі Кендірлі аймағынан басталып, Жетібай тұсында аяқталды. Қатысушылар фиништен соң Ақтауға келді. Себебі ертең «Ралли Қазақстан-2017» ең соңғы кезеңін Ақтау – Форт-Шевченко бағытында (35 шақырым) өткізеді. Біз бүгін автошабандоздарды тұрақтан қарсы алып, көліктерінен түскен сәтте жарыстың қалай болғанын сұрадық. Спортшылардың жарыстан келген сәтін, алған әсерлерін келесі бейнеүзіктерден тамашалай аласыздар.  https://www.youtube.com/watch?v=pH4X9aZpWbM «Бүгінгі этап өте қиын болса да жақсы өтті. Ақтау қаласында болғаныма өте қуаныштымын. Біз қазір Раллиде бірінші орында келе жатырмыз. Дегенмен ертең тағы бір жарыс күні бар. Оны да бағындыруға тырысамыз. Өйткені бұл  этапты жеңу мен үшін өте маңызды» Нассер Аль-Аттия. https://www.youtube.com/watch?v=zG1asIs2d1s Польшалық Якуб Пшигонски де көшбасшылық титулға таласып келе жатқан мықты қарсылас. Ол жалпы есепте екінші сатыда тұр. Бүгінгі жарыс қалай өтті екен, өзінен сұрайық: https://www.youtube.com/watch?v=YxAggQnzX-E -5-кезең жақсы өтті. Нассерді қуып жетуге тырыстық, бірақ ол оңай шаруа емес. Дегенмен Нассердің машинасы жолда батып қалып, бізге алға шығуға мүмкіндік туды. Далада шаң біраз кедергі келтірді. Дегенмен жарыс жақсы өтті. Дөңдерден өту қиын болса да бізге бұл кезең ұнады. Өздеріңіз көргендей, екінші болып мәреге жеттік. Жалпы есеп бойынша да екіншіміз, - дейді Якуб. Пилоттар тұраққа жеткен соң көліктерін механиктер жөндеуге, тазалауға кірісіп кетеді. Ал өздері осылай демалуға аттанады. https://www.youtube.com/watch?v=YSnJ0aKx4Ng Біз Якубпен тілдесіп жатқанда тұраққа чехиялық пилот Мирослав Заплетал да келіп жетті. https://www.youtube.com/watch?v=WNd5IlW-UaY «Өкінішке қарай кеше финиш жасауға бізге 5 минут жетпей қалды. Өте үлкен пенализация алып қалдық. Ал бүгін ешқандай қиындықсыз мәреге жеттік. Стандартты, өте әдемі этап болды. Жарыс кезінде далаға қарап, табиғаттың әдемілігін тамашалауға мүмкіндігім болмады. Өкінішті-ақ. Назарымыз тек жолда болды» Мирослав Заплетал. https://www.youtube.com/watch?v=2oDLhp7NRJs

Теңге БЕКМҰРЗАЕВА

Бейнежазбаларды түсірген автор