Баспасөз хатшылар апта сайын брифингке қатысады

Орталық коммуникациялар қызметінде мемлекеттік органдардың ресми өкілдері мен баспасөз хатшыларының қатысуымен алғашқы брифинг болып өтті. Бұл жұмыстың жаңа форматы журналистерге өздерін қызықтырған кез келген сұрақтарын баспасөз қызметі басшыларына ресми сауалсыз қоюларына мүмкінік береді.

ОКҚ ресми өкілі Мұрат Жұманбай аталған жаңа форматтағы брифингтер апта сайын өткізіліп отыратынын хабарлады.

«Әр дүйсенбі күні баспасөз хатшылары Орталық коммуникациялар қызметінің брифингіне қатысып, журналистердің барлық сұрақтарына жауап беретін болады. Ведомствоның баспаөз хатшысы мен ресми өкілінің қажеттілігі де сонда, олар мемлекеттік органның ресми ұстанымын жеткізуі керек», – деді Мұрат Жұманбай.

Спикер баспасөз хатшылары мен ресми өкілдерді жұмыстың жаңа форматына жауапкершілікпен қарауға шақырды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.