Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Мұнайлы аудандық ішкі істер бөлімінің мәліметінше, өткен жылы ауданда қоғамдық және жол қауіпсіздігін бұзушыларға 27 мың 903 әкімшілік хаттама толтырылып, 21 мың 899 -на 141 млн 493 мың 629 теңге көлемінде айыппұл салынған. Борышкерлер сол соманың 65,13 пайызын ғана төлеген. Қалған қарыздар неге қайтарылмай жүр?
Сұрақтың жауабын тәртіп сақшылары "Борышкер - 2017" жедел-профилактикалық іс-шарасы кезінде іздеп көрді. Үш кезеңді қамтитын шараның бастапқысы қаңтардың 10-14 аралығында өтті. Екінші және үшінші кезеңі 17-21, 24-28 күндеріне жоспарланған.
- "Борышкер" жедел жұмысына дейін 2016 жылы салынған айыппұлдардың 92 млн 150 мың 894 теңгесі мемлекет қазынасына түссе, қалған борышкерлердің берешегі 49 млн 342 мың 798 теңгені құрайтын. Қаңтардың 10-14 күндері сол қаржының 1 млн 200 мың 668 теңгесі өндірілді. Қарызы бар тұрғындардың телефонына ескерту хабарламасы мен мәжбүрлеп өндіруге жұмыс орнына хат жолдау жалғасуда,-дейді бұл жөнінде әкімшілік полиция тобының инспекторы Еркебұлан Есенқұлов.
Аталған шараға жергілікті полиция қызметкерлері мен әкімшілік тәжірибе бөлімшесінің инспекторларынан 62 адам жұмылдырылған.
Шахида ЖҰМАН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.