Ақтауда «Кіндік» спектаклінің премьерасы өтеді. Спектакльде жалған ағымның жетегінде кетіп, тағдыр тоғыстырған жандардың өмірін көрсетеді. Бұл туралы mangystaumedia.kz Қоғамдық коммуникация орталығына сілтеме бере отырып хабарлайды.
«JasArt» жастар театрының директоры Әлия Исаеваның айтуынша, биыл құрылған «JasArt» театры Маңғыстау облысының жастар саясаты жөніндегі мәселелері басқармасының тапсырысы негізінде «Азаматтық бастамаларды қолдау орталығының» «Жастар театрының жұмысын ұйымдастыру» атты әлеуметтік жобасының жеңімпазы атанған. Аталған жоба аясында «Кіндік» спектаклін алғаш рет көрерменге ұсынбақ.
-Спектакль жат ағым жетегіне еріп кетпеудің алдын-алуға арналған. Осыған орай, драматург Қолғанат Мұраттың «Кіндік» драмасын сахналаймыз. Шығарма желісі бойынша жат ағымның жетегіне еріп, шет ел асып, діни білім алам деп кеткен қыз-келіншектер турасында айтылады. Яғни, олар
жезөкшелік құлдық өмірге тап болады және одан қалай қашып шыққаны спектакльде суреттеледі, - деді Әлия Исаева.
Қойылым Н.Жантөрин атындағы музыка және драма театрында 25 қыркүйек күні сағат 19:00-де өтеді.
Сонымен қатар, «JasArt» жастар театры «Кіндік» спектаклінен бөлек, тағы төрт өзекті бағыт бойынша спектакльдер сахналанайды. Олар: 1.Нашақорлықтың алдын-алуға бағытталған спектакль
2. «Қоғам қатері – ажырасу» фактісіне бағытталған спектакль
3. Қаржылық сауаттылыққа бағытталған шағын койылым
4. Жат діни ағымға алданғандар жөніндегі қойылым
5. «Қоғамда зорлық – зомбылыққа жол жоқ» атты зорлық-зомбылыққа қарсы қойылым.
Алдағы уақытта, өңірде әлеуметтік мәселерді шешу және алдын алуға арналған спектакльдер тек облыс орталығында қойылып қана қоймай, барлық аудан мен Ақтау, Жаңаөзен қаласында қойылады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
