Маңғыстауда 12 535 адам тұмауға қарсы екпе алды

Облыс тұрғындарын тұмауға қарсы иммундау үшін 70 000 доза көлемінде «Гриппол плюс» вакцинасы сатып алынды. Қазіргі таңда ауруға қарсы екпе салу жұмыстары жүріп жатыр, - деп хабарлайды mangystaumedia.kz сайты.

Маңғыстау облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы Ғазиз Надуевтың айтуынша, осы уақытқа дейін 12 535 адамға екпе салынды. Бұл – облыс тұрғындарының 1,8 %-ы.

Айта кетейік, тұмау эпидемиясымен күрес облыс әкімдігінің қолдауымен орындалады. Аталған 2020-2021 жылдың эпидемиялық маусымға жергілікті бюджеттен 60 млн 706 мың 100 теңге қаражат бөлінген.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.