Осы күзде Маңғыстау облысының қорғаныс істері жөніндегі департаменті жеті жүз шақырушыны әскер қатарына шақыруды жоспарлап отыр. Осыған байланысты шақыруды жүргізу үшін Маңғыстау облысы әкімнің орынбасары мен денсаулық сақтау басқармасы басшысының төрағалығымен әскерге шақыру және медициналық комиссиялар құрылды. Сонымен қатар әскерге шақыру комиссиясы құрамына ішкі істер, ұлттық қауіпсіздік, қоғамдық ұйымдар өкілдері, Қарулы Күштер, жергілікті соғыс ардагерлері және дін жүйесінің өкілдері кіреді.
Әскерлерді дені сау және моральдық жағынан дайын жастармен толықтыру міндеті қойылды. Шақырушы қандай әскерлерге баратыны оның бойындағы моральдық-психологиялық қасиеттер мен құзыреттерге байланысты. Осыны ескере отырып, комиссия әскерге шақырылушы қандай әскери бөлімдерде қызмет атқаратыны белгіленеді.
Қазіргі уақытта Қорғаныс істері жөніндегі департаменті әскерге шақырылушылар мен Қарулы Күштерді тартуға қатысатын лауазымды адамдар арасында коронавирустық инфекцияның алдын алу шараларына ерекше назар аударуда. Жиын (әскерге шақыру) пункттердің кіреберіс жерлерінде медициналық посттар (фильтрлар) орналастырылды. Облыстық медициналық комиссиялар құрамдарына дәрігер-инфекционисттер енгізілді. Әскерге шақырушылардың аумағында дезинфекциялық шаралар күн сайын жүргізіледі. Жас буынды салтанатты шағарып салулар тоқтатылды.
Қызметке жіберер алдында және әскери бөлімдерге келгеннен кейін, шақырылушылармен ПТР-зерттеу әдісімен COVID-19-ға зертханалық зерттеу жүргізіледі және оларды екі апталық карантинге оқшауланады. Осы уақытта олар медициналық тексеруден өтіп, алғашқы әскери дайындықпен айналысады. Сонымен қатар әскерге шақырылушылардың әлеуметтік-психологиялық мәртебесін зерттеу жүргізіледі.
«Әскер жастарды тәртіптілікке, жауапкершілікке, тәуелсіздікке үйретеді. Мұнда олар физикалық күш пен төзімділікке ие болады. Өз өмірін әскери мамандықпен байланыстырғысы келетін орта техникалық немесе жоғары білімі бар әскери қызметшілер үшін алты айлық қызметтен кейін келісімшарт жасасу перспективасы ашылады» - деді Маңғыстау облысы қорғаныс істері жөніндегі департаментінің әскерге шақыру бөлімінің бастығы подполковник Жаслан Құрақов.
Телефон арқылы әскерге шақыру бойынша кеңес ала аласыз: 8/7292/319180, 8/7292/432246
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
