Сессияның күн тәртібі бойынша алдымен, «2020-2022 жылдарға арналған Ақтау қаласының бюджеті туралы» шешіміне өзгерістер енгізу туралы қаралды. Бұл туралы қалалық экономика және бюджеттік жоспарлау бөлімі басшысының міндетін атқарушы М.Жұбаназарова баяндады. Бұл туралы Ақтау қаласының баспасөз қызметі хабарлады.
М.Жұбаназарова өз баяндамасында, 2020 жылға арналған қала бюджетінің нақтыланған жобасы кірістер бойынша – 43 239 139,5 мың теңге, шығыстар бойынша – 43 861 568,6 мың теңге, көлемінде анықталғанын айтты.
Аталған қаражат келесі басым шығындарға бағытталуда:
Ағымдағы бюджет бойынша:
- Атаулы әлеуметтік көмекке – қосымша 229 736,0 мың теңге;
- жергілікті өкілетті органдардың шешімі бойынша мұқтаж азаматтардың жекелеген топтарына әлеуметтік көмек– 35 000 мың теңге;
- аз қамтылған отбасылардың балаларына мектеп формасы мен кеңсе тауарлары үшін материалдық көмекке - 39 475,0 мың теңге;
- аз қамтылған көп балалы отбасылардың мүшелеріне, аз қамтылған еңбекке жарамды мүгедектерге және NEET санатындағы жастарға жаңа бизнес идеяларды іске асыруға мемлекеттік гранттар беруге 30 адамға (200 АЕК) – 16 668,0 мың теңге;
- қаланың білім беру ұйымдарында қашықтан оқытуды қамтамасыз ету мақсатында 265 модем-роутер сатып алуға – 4 352 мың теңге бөлінді.
Күн тәртібіндегі барлық мәселелер қалалық мәслихат депутаттарымен талқыланып, тиісті шешімдер қабылданды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
