«Танк биатлоны»: Қазақстандық құрама сары түсті танктерде өнер көрсетеді

Қазақстандық танкішілер Мәскеу маңындағы «Алабино» полигонында өтіп жатқан жарысқа қатысып жатыр. Қазақстандық команда танк биатлоны сайысында өнер көрсететін техниканы қабылдауды бастады.

Жеребе нәтижесінде Қазақстан командасы сары түске боялған төрт танкіге ие болды. Ұйымдастырушылар тарапынан ұсынылған танкіні техникалық қамтамасыз ету тобы офицерлерінің басшылығы мен эпипаждар қабылдап алды. Қабылдау барысында танкілердің техникалық жағдайы, жауынгерлік машинаның бөліктері, механизмдерінің жарамдылығы мен қабілеттілігі тексерілді. Сонымен қатар танктердің техникалық қамтамасыз етілуі және пайдалану алдындағы дайындыққа назар аударылды.

Қазақстандық әскери қызметшілер жауынгерлік машиналардың жағдайы қанағаттанарлық екендігін және «Танк биатлоны» сайысы аясындағы барлық тапсырмаларды орындауға мүмкіндік беретінін атап өтті.

Жарыс басталмас бұрын қазақстандық танкішілерге қару-жарақтың дайындығы мен дәлдігін дұрыстап, танк биатлоны трассасының бағытын мұқият зерделеу қажеттігі айтылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.