Ақтау қаласының әкімі Нұрдәулет Қилыбай 5 шағынаудан тұрғындарынан құралған ынталы топпен жүздесті. Бұл туралы қала әкімінің баспасөз қызметі хабарлады.
5 шағынаудан тұрғындары тұрғын үйлер алдында апталап жиналатын қатты қалдықты қоқыстардан мезі болған. Одан бөлек, тұрғындар қала басшысы Н.Қилыбайға шағынаудан мен 7 орта мектепке кірер есік алдына жол кедергісі мен арнайы тыйым салынған белгі қоюды, шағынауданды абаттандыру, балалар ойын және спорт алаңдарын қайта жаңғырту мәселері бойынша өздерінің шағымдары мен ұсыныстарын жеткізді.
Шағынауданды абаттандыру және балалар ойын алаңдары мәселелері келер жылдың кешенді жоспарына енгізілмек. Ал, жол кедергілерін орнату бойынша мамандар тамыз айының ішінде жүзеге асады деп сөз берді.
Кездесуде көтерілген өзге де мәселелер мен ұсыныстар жоспарға енгізілді. Орындалу барысы қала басшысының жеке бақылауында болады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
