Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін облыс әкімі Серікбай Трұмовтың төрағалығымен өткен жедел штабтың кезекті отырысында “Құрбан Aйт” мейрамына дайындық мәселелері талқыланды. Бұл туралы облысы әкімінің баспасөз қызметі хабарлады.
Эпидемиологиялық жағдайға байланысты дін істері басқармасымен штаб өкілдері бірлесе отырып, Құрбан айтты өткізудің арнайы тәртібін әзірледі. Бұқаралық іс-шараларға қатысудан және өткізуден бас тарту қажет. Арнайы белгіленбеген жерлерде құрбандық шалуға, сондай-ақ құрбандыққа шалынған етті мекен-жайға жеткізуге тыйым салынады.
Қазақстан мұсылмандары діни басқармасының Qurban-2020.kz веб сайты ашылды. Мұнда онлайн режимде құрбандық шалу рәсіміне өтініштер қабылдайды. Елімізде орын алған карантиндік шектеулерге байланысты өтініш берушілер бөліктің 1/3 көлемін өздеріне ала алмайды. Волонтер жастардың көмегімен барлық ет мұқтаждарға толығымен таратылады. Жиын барысында мал сою пункттерінің жұмыс істеу тәртібі мен олардың саны талқыланды.
Өңір басшысы полиция өкілдері мен дін қызметкерлеріне санитарлық шараларды қатаң қадағалауды тапсырды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.