«Адалдық сағаты»: Әл-Фараби және қайырымды қоғам

ҚР Сыбайлас жемқорлыққа қарсы іс-қимыл Агенттіктің бастамасымен жастардың арасында парасаттылық идеологиясын насихаттау және терең білімнің маңыздылығын түсіндіру мақсатында кезек «Адалдық сағаты» жалпыреспубликалық акциясы тұрақты түрде өткізіліп келеді. Бұл туралы ҚР Сыбайлас жемқорлыққа қарсы іс-қимыл Агенттігінің МО бойынша департаментінің баспасөз қызметі хабарлады.

Елдегі қалыптасқан карантин жағдайына байланысты және мамыр айында бірінші рет онлайн форматта өткен «Адалдық сағатының» оң тәжірибесін ескере отырып, жалпыреспубликалық акцияны ай сайын өткізу туралы шешім қабылданды.

Шілде айының 17-24 аралығындағы «Адалдық сағатының» тақырыбы ұлы ойшыл, ғұлама Әл-Фарабидің 1150 жылдығына орай «Әл-Фараби және қайырымды қоғам» деп аталып, мемлекеттік және ресми тілде тиісті бейне-дәрістер әзірленді.

Көрермен мемлекеттік және ресми тілде әзілренген бейне-дәрістер ««QAZAQSTAN» телеарнасынан 12.00-16.00 аралығында тамашалай алады.

Осыған орай, «Әл-Фараби және қайырымды қоғам» тақырыбында өтетін адалдық сағатында, Әл-Фарабидің өз шығармаларында, оның ішінде «Қайырымды қала тұрғындары» еңбегінде тәрбие, мейірімділік, парасаттылық және әділдік жайлы айтылған ойлары мен өскелең ұрпаққа қалдырған мұралары туралы болады.

Ұлы ойшылдардың еңбектерін кең көлемде дәріптеу – саналы ұрпақты тәрбиелеудің жарқын үлгісі екекндігі белгілі. Сондықтан, әр тоқсан сайын өтетін «Адалдық сағаты» ұлы тұлғалардың өмірі мен шығармашылығындағы адами құндылықтарды дәріптеумен өтеді.

Сілтеме: https://www.youtube.com/watch?v=yS8p6EH5tfg&list=PLvN9UMfEpeunSj5iXGTaI9CFjkGNXE2UN&index=2

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.