Биыл Ақшұқыр ауылында жаңа мектеп пайдалануға беріледі

Түпқараған ауданындағы 4 мектеп бейнебақылаумен қамтамасыз етілді. Бұл туралы онлайн брифингте Түпқараған ауданының әкімі Айбек Қосуақов мәлімдеді, - деп хабарлайды mangystaumedia.kz сайты.

Аудандағы Е.Өмірбаев атындағы орта мектеп, М.Горький мектеп лицей, Шахта орта мектебі және М.Әбдіхалықов атындағы мектеп-гимназиясына бейнебақылау орнату үшін 9 млн бөлінген.

Сонымен қатар облыс әкімінің хаттамалық тапсырмасы аясында аудандағы 5 мектепке 27 000 000 тг қаражат бөлініп, ішкі әжетханалармен толықтыру жұмыстары жүргізілуде. Бүгінгі таңда М.Горький мектеп-лицейі және З.Баймырзаев атындағы орта мектептің жұмыстары аяқталды, ал Ж.Мыңбаев мектеп-гимназиясы, Шахта орта мектебі және М.Әбдіхалықов атындағы мектеп-гимназияның құрылысы жалғасып жатыр.

«Жұмыспен қамту жол картасы 2020» мемлекеттік бағдарламасы аясында Форт-Шевченко қаласындағы Е.Өмірбаев атындағы орта мектепте қайта құрымдауына және Сайын Шапағатов ауылдық округіндегі «Г.Айдаров атындағы №1 мектеп-лицейіне» ғимараттың ағымдығы жөндеуіне қаражат қаралып, құрылыс жұмыстары жүргізілуде.

Аудандағы үш ауысымды жою мақсатында Ақшұқыр ауылынан салынған 600 орынды мектептің құрылысы аяқталып, осы оқу жылында пайдалануға беріледі деп жоспарланып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.