Бейнеу ауданының әкімі Рахымжан Шалбаевтың өкіміне сәйкес Бейнеу аудандық ішкі саясат, мәдениет, тілдерді дамыту және спорт бөлімінің басшысы қызметіне Тұралы Жолышов тағайындалды, деп хабарлайды mangystaumedia.kz.
Жолышов Тұралы Ботақараұлы 1990 жылы 24 шілдеде дүниеге келген. Еңбек жолын 2011 жылы Бейнеу аудандық жастар ісін үйлестіру орталығының маманы ретінде бастаған.
2014-2021 жылдар аралығында Бейнеу аудандық жастар ресурстық орталығында маман, әкімшілік бөлімінің меңгерушісі, директор орынбасары, директоры қызметтерін атқарды.
2021-2022 жылдары «Nur Otan» партиясы Бейнеу аудандық филиалы төрағасының бірінші орынбасары, 2022-2023 жылдары «AMANAT» партиясы Бейнеу аудандық филиалының атқарушы хатшысы болды.
2023 жылдың қаңтар айынан бүгінге дейін аудандық партия филиалының төрағасы лауазымын атқарды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
