Облыстық балалар ауруханасының директоры тағайындалды

Маңғыстау облыстық көпбейінді балалар ауруханасының директоры болып Ермекбаева Гүлжан Аманбекқызы тағайындалды, - деп хабарлайды mangystaumedia.kz сайты облыстық денсаулық сақтау басқармасы баспасөз қызметіне сілтеме жасап.

Гүлжан Аманбекқызының медицина саласындағы еңбек өтілі - 20 жыл.

1996-2002 жылы Ақмола мемлекеттік медициналық институтын педиатрия мамандығы бойынша бітірген.

2002-2003 жылы Ақмола мемлекеттік медициналық институтында анестезиолог-реаниматолог мамандығы бойынша интернатурадан өткен.

2003 жылы Облыстық инфекциялық ауруханасында педиатр дәрігері болып саладағы еңбек жолын бастады.

2011– 2016 жылы жансақтау бөлімінің анестезиолог-реаниматолог дәрігері қызметін атқарды.

2016 жылы невролог мамандығы бойынша қайта даярлаудан өтіп, невролог қызметіне ауыстырылды.

2018 жылы жүйке-жүйе аурулары бөлімшесінің меңгерушісі қызметін атқарды.

2020 жылы Маңғыстау облыстық балаалр ауруханасында директордың емдеу-ісі жөнідегі орынбасары, кейін директордың міндетін атқарушы қызметі жүктелді.

2022 жылдың, 16-мамырынан бастап Маңғыстау облыстық көпбейінді балалар ауруханасының директоры қызметіне тағайындалды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.