Ақтауда мектеп асханасына мониторинг жүргізілуде

Ақтауда қоғам белсенділері мен "Антикор" жанынан құрылған еріктілер мектеп асханасына мониторинг жүргізіп жатыр, - деп хабарлайды mangystaumedia.kz сайты.

Мониторинг аясында қоғам белсенділері Мир Жайлиев пен Нұрлыбек Жалғасбай №16 С. Мұқашев атындағы мектеп, №17 жалпы білім беретін мектеп, Н.Марабаев атындағы №7 мектеп-лицейі, Білім-инновациялық лицейі мен С. Қондыбай атындағы № 22 мектеп-гимназиясы асханасының жай-күйімен танысып, ас мәзірін тексерген.

- Мониторингтің мақсаты - тегін тамақтанатын оқушылардың тамағы ас мәзіріне сай болуын, мектеп асханасының жағдайын бақылау. Осы уақытқа дейін жасалған мониторинг бойыншы барлық мектеп оқушыларды талапқа сай тамақпен қамтамасыз етіп отыр, - дейді "Антикор" жанынан құрылған еріктілер тобының белсендісі Мир Жайлиев.

Оның айтуынша, алдағы уақытта мониторинг жұмыстары жалғасады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.