Ақтауда өртке оранған үйден 50 адам қауіпсіз жерге көшірілді

Бүгін 4 шағынаудандағы он қабатты тұрғын үйдің бірінде өрт болды. Оқиға сағат 14-38 болған, - деп хабарлайды mangystaumedia.kz сайты.

Өрт 7-қабатта орналасқан пәтердің балконынан шыққан. Өрт 5 шаршы метрге дейін шарпыған.

- 50 адам, оның ішінде өз бетімен 20 бала баспалдақпен эвакуацияланды. Облыстық төтенше жағдайлар қызметінің құтқарушылары 5 адамды эвакуациялады. Зардап шеккендер жоқ. Өрт 15-03-те оқшауланып, 15-14-те сөндірілді, - деп хабарлайды Маңғыстау облысы Төтенше жағдайлар департаментінің баспасөз қызметі.

Өртті сөндіруге 10 қызметкер мен 4 апатты жою техникасы, 3 жұмысшы және 1 бірлік «ЦМК» ММ техникасы, 2 қызметкер және 1 бірлік облыстық полиция департаментінің техникасы жұмылдырылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.