Украинада президенттік сайлаудың бірінші кезеңі аяқталды
[ 2019 ] 1 сәуір, 05:07 | Саясат
Украинада президенттік сайлаудың бірінші кезеңі аяқталды. Орталық сайлау комиссиясы хаттамалардың 45%-ын өңдеген. Сағат 7:55-тегі жағдай бойынша, сайлаушылардың 30,16% даусын жинаған актер Владимир Зеленский алда келеді, - деп хабарлайды mangystaumedia.kz сайты rbc.ua сілтеме жасап.
Қазіргі президент Петр Порошенко сайлаушылардың 16,71% даусын жинаған. Ал Юлия Тимошенко 13,09% дауысқа ие болған.
Президентікке канидат ретінде тіркелген 44 адамның 5-уі сайлауға түсуден бас тартып, бюллетеньге 39 адамның аты-жөні енгізілген.
Талап бойынша жеңіске жету үшін кандидат кем дегенде сайлаушылардың даусының 50% пайызын және 1 дауыс жинауы керек.
Кандидаттардың ешқайсысы бұл дауысты жинай алмағандықтан, дауыс беру қайта өткізіледі. Сайлаудың екінші кезеңі 21 сәуірде өтеді деп жоспарланған.
Айта кетелік, Украинада 199 сайлау округі мен 1 шетелдік сайлау округі ұйымдастырылған. Сайлаушылардың жалпы саны - шамамен 29,7 млн адам. Орталық сайлау комиссиясының мәлімдеуінше, сайлаушылардың 63,52% келіп дауыс берген.
1428
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
