Самат Гилимов Көлік комитетінің төрағасы болып тағайындалды
[ 2019 ] 12 наурыз, 08:27 | Саясат
ҚР Индустрия және инфрақұрылымдық даму министрінің бұйрығымен Көлік комитетінің төрағасы лауазымына Самат Қуанышұлы Гилимов тағайындалды, - деп хабарлайды mangystaumedia.kz сайты Үкіметтің баспасөз қызметіне сілтеме жасап.
Сонымен қатар, министрдің бұйрығымен басқа жұмысқа ауысуына байланысты А. Батанов Индустриялық даму және өнеркәсіптік қауіпсіздік комитетінің төрағасы қызметінен босатылды.
Самат Гилимов 1964 жылы Атырау облысында туған. Еңбек Қызыл Ту ордені атындағы Қазақ ауыл шаруашылығы институтын, Қазақ мемлекеттік заң академиясын бітірген.
Еңбек жолын 1981 жылы Гурьев облысының Қосшағыл кеңшарында слесарь болып бастаған. Түрлі жылдары коммерциялық секторда еңбек еткен.
2002-2005 жылдары Ақтөбе облысы әкімінің орынбасары лауазымын атқарды.
2005-2007 жылдары «Қазмұнайгаз» Барлау Өндіру» АҚ «Ембімұнайгаз» филиалы аппаратының басшысы - директордың орынбасары.
2008-2017 жылдары Көліктік бақылау комитетінің Атырау облысы бойынша өңіраралық Көліктік бақылау инспекциясының бастығының орынбасары, бастығы, басшысы лауазымдарында болды.
2017 жылдың сәуір айынан бастап бүгінгі күнге дейін ҚР Инвестициялар және даму министрлігінің Көлік комитетінің төрағасының орынбасары қызметін атқарды.
1291
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
