МО индустриялық-инновациялық даму басқармасына басшы тағайындалды

©

Маңғыстау облыстық индустриялық-инновациялық даму басқармасының басшысы қызметіне Айтжан Нұрбек Хамзаұлы тағайындалды.

Өңір әкімі Ералы Тоғжанов аппараттық жиында жаңа басшыны ресми таныстырды.

Нұрбек Айтжан 1980 жылы дүниеге келген. Жоғары білімді. 2001-2003 жылдары "Кен-құрылыс Сервис" серіктестігінде, "Өзенмұнайгаз" АҚ-да слесарь-монтаждаушы, учаске шебері болып еңбек еткен.

2005-2006 жылдары облыстық кәсіпкерлік және өндіріс басқармасында бас маман болған.

2006-2008 жылдары облыс әкімі аппаратында ұйымдастыру-бақылау бөлімінде бас маман, 2008-2009 жылдары облыстық экономика және бюджетті жоспарлау басқармасында бас маманның міндетін атқарушы болған.

2009 жылы аталған басқарманың инвестиция және нақты секторды дамыту бөлімінің жетекші маманы қызметін атқарды.

2009-2010 жылдары бөлім басшысы, 2011-2012 жылы "Ақтау халықаралық әуежайы" АҚ атқарушы директордың көмекшісі, 2012-2013 жылдары облыс әкімі аппараты ұйымдастырушылық-инспекторлық бөлімінің басшысы болған.

2013 жылдан бастап осы уақытқа дейін облыс әкімі аппараты басшысының орынбасары қызметінде болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.