Жаңаөзендегі Рахат ауылының әкімі сайланды

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Конституциялық заңының 36-бабына сәйкес, Жаңаөзен қалалық сайлау комиссиясы 2018 жылғы 6 желтоқсан күнгі ауыл әкімдерін сайлау бойынша хабарына қарағанда Рахат ауылының әкімі сайланды.

Табынчаев Өсербай Рсбаевич 6 тамыз 1978 жылы дүниеге келген. Білімі жоғары. 2000 жылы Ақтау қаласындағы Ш.Есенов атындағы университетін бітірген. Мамандығы биология пәні мұғалімі. 2016 жылы Астана қаласындағы «Астана» университетін бітіріп, «педагог-психолог» магистрі, 2018 жылы Алматы қаласындағы «Алма» Алматы менеджмент университетін бітіріп, «әкімшілік іскерлік» магистрі дәрежесін алған.

2000-2002 жылы Жаңаөзен қаласы Теңге ауылындағы №14 орта мектепте химия-биология пәні мұғалімі, 2003 жылы Оқушылар шығармашылық үйінің директорының орынбасары, 2003-2005 Жаңаөзен қалалық педтехнология орталығының әдіскері, білім бөлімінің бас маманы, 2005-2006 Маңғыстау облыстық білім басқармасының бас маманы, 2006-2008 Жаңаөзен қаласы №2 орта мектеп директоры, 2008-2009 Жаңаөзен қаласы №13 бастауыш мектеп директоры, 2009-2015 Жаңаөзен мектеп-гимназиясы директоры, 2015-2017 Жаңаөзен қаласы №18 орта мектеп директоры, 19.09.2017 жылдан бастап бүгінгі таңға дейін Жаңаөзен қалалық білім бөлімінің басшысының орынбасары қызметін атқарды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.