Маңғыстау облысының экс-әкімі «ҚазМұнайГаздың» басшысы болды

©

Бүгін «Самұрық-Қазына» ҰӘҚ» АҚ Басқарма төрағасы Ахметжан Есімов «ҚазМұнайГаз» ҰК» АҚ жаңа басқарма төрағасы ретінде Айдарбаев Алик Серікұлын таныстырды, - деп хабарлайды mangystaumedia.kz сайты "Самұрық-Қазына" ҰӘҚ" АҚ Қоғаммен байланыс және маркетингтік коммуникациялар департаментіне сілтеме жасап.

Алик Айдарбаев әр жылдарда «Оңтүстікқазмұнайгаз» МАҚ, «Құмкөл-ЛУКОЙЛ» компаниясының (кейін атауы «Торғай Петролиум» ЖАҚ деп өзгертілді), «МаңғыстауМұнайГаз» АҚ, «ҚазМұнайГаз» ҰК» АҚ баcқарушылық лауазымдарды атқарды.

2011 жылдың желтоқсан айынан 2013 жылға дайін «ҚазМұнайГаз» БӨ» АҚ Бас директоры болды.

2013-2017 жылдарда Маңғыстау облысының әкімі болып қызмет етті.

2017 жылдың наурыз айынан 2018 жылдың қаңтар айына дейін Қазақстан Республикасының Инвестиция және даму бірінші вице-министрі қызметін атқарды.

2018 жылдың 15 қаңтарынан бастап осы кезге дейін «Самұрық-Қазына» ҰӘҚ» АҚ Басқарма төрағасының орынбасары қызметін атқарды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.