Маңғыстаулық спортшы жүзу спортынан халықаралық турнирде топ жарды

Белоруссия елі Брест қаласында жүзу спортынан өткен Халықаралық турнирде маңғыстаулық спортшы Әбдінұр Ақмұрат чемпион атанды, деп хабарлайды mangystaumedia.kz сайты облыстық спорт басқармасының баспасөз қызметіне сілтеме жасап.

Әбдінұр Ақмұрат 2010- 2011 ж.т. жасөспірімдер арасында өнер көрсетіп, 50 метрге брасс әдісімен 31.90 секунд көрсеткішпен үздік нәтиже көрсетіп 1-орын және 100 метрге брасс әдісінен 1:12,87 уақыт көрсеткішпен 2-орын жеңіп алды.
Сондай-ақ тағы бір маңғыстаулық спортшы Ақжол Текебай 6-орын иеленді.

Белоруссия елінде дәстүрлі түрде өтетін «Бресткий спринт» атты бұл Халықаралық турнирге 35 команда, 750-ге жуық спортшы қатысты.

Екі спортшы да Жаңаөзен қалалық №2 балалар және жасөспірімдер спорт мектебінің спортшылары. Әбдінұр Ақмұрат қазіргі таңда ҚР ұлттық құрама сапында өнер көрсетеді және жасөспірімдер арасында ҚР чемпионы.

Жаттықтырушылары Қуантай Жарылғапов және Арман Бишембаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.