Маңғыстаулық жеңіл атлеттер ел чемпионатынан қос алтын алды

Өскемен қаласында кіші жасөспірімдер арасында жеңіл атлетикадан ҚР чемпионаты өтіп жатыр. Жарыстың соңғы күнінде маңғыстаулық спортшылар 2 алтын, 2 күміс жүлдені иеленді, - деп хабарлайды mangystaumedia.kz сайты.

Ел біріншілігіне 600-ге жуық спортшы қатысып жатыр. Маңғыстау облысынан 19 жеңіл атлет барды.

Нәтижесінде 2005-2006 жылы туған жасөспірімдер арасында маңғыстаулық Салидат Казова 1-орынды қанжығасына байлады. Ол 11 метр 59 см қашықтықты жүгіріп өткен. Ал 2001-2002 жылы туған спортшылар арасында Сабира Мусина 2641 ұпай жинап, көш бастады.

Сонымен қатар Арина Мишеева 2001-2002 жылы туған жеңіл атлеттер арасында сынға түсті. Ол 60 метр қашықтықты 7.81 секундта, ал 200 метрді 25.57 секундта аяқтады. Осылайша екі айналымда да жүлделі 2-орынды иеленді.

Спортшыларды ел чемпионатына жеңіл атлетикадан Маңғыстау облысының аға жаттықтырушысы Әсия Рабаева дайындаған.

Айта кетейік, ҚР чемпионаты 11 ақпан күні басталған болатын.

Жұлдызай ҚАЛИЕВА

Суретті ұсынған Әсия Рабаева

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.