Ақтаулық полицейлер футболдан оқушыларға турнир ұйымдастырды

Ақтауда «Мен және менің полицейім» шарасы аясында футболдан жарыс өтті, - деп хабарлайды mangystaumedia.kz сайты Маңғыстау облысының Қоғамдық коммуникация орталығына сілтеме жасап.

Спорттық шара мектеп оқушылары үшін арнайы ұйымдастырылған.

- Спорттық доданың мақсаты - жастарды салауатты өмір салтын насихаттауға шақыру. Жалпы шара барысында полицейлер оқушыларға өздерінің жұмысын таныстырып, қоғамдық орындарда және жолда тәртіп бұзбауға шақырды, - деді Жергілікті полиция қызметінің басшысы Қалдымұрат Айғарақов.

Жарыс нәтижесінде №14 мектептің оқушылары жеңімпаз атанса, 2-орынды №28 мектептің оқушылары иеленді. Ал 3-орынды №16 мектеп командасы алды. Сондай - ақ қатысушыларға «үздік қақпашы», «үздік шабуылшы» және «үздік қорғаушы» номинациясы бойынша марапат табысталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.