Ақтаулық каратэшілер халықаралық турнирден екі алтын жеңіп алды

Ақтау спортшылары Санкт-Петербургте ашихар-каратэден өткен сайыстан жүлдемен оралды. Сондай-ақ, балалар "Жеңіске деген жігері үшін" және "Үздіктердің үздігі" атақтарын жеңіп алды, деп хабарлайды mangystaumedia.kz облыстың ҚКО-ға сілтеме жасай отырып.

Ашихар-каратэден халықаралық турнирге Ресей, Әзірбайжан, Түркия, Армения, Қазақстан, Беларусь және Өзбекстаннан 150-ден астам адам қатысты.

Маңғыстау облысы ашихар-каратэ федерациясының бас бапкері Дмитрий Печкин бәсекенің қатты болғанын, ал ақтаулық спортшылар соның арасынан топ жарғанын айтты. Керемет дайындық өзін ақтады.

Осылайша, Азамат Элеупов 7-8 жастағы ұлдар арасында абсолютті салмақтың және "Вest of the best" номинациясының чемпионы атанды. Ақтаулық жауынгер 5 жекпе-жек өткізіп, қарсыластың бәрін жеңді.

- Азамат әдемі қабылдау техникасын көрсетті, сол үшін "Үздіктердің үздігі" марапатына ие болды", - дейді Дмитрий Печкин.

7-8 жастағы қыздар арасында абсолютті салмақта Лиза Сайдамирова да өзін мойындатты. Ақтаулық спортшы өзінің үш қарсыласынан басым түсіп, бірінші орынға шықты.

Ақтаудағы ашихар-каратэ мектебінің тағы бір өкілі Кенесары Қайратұлы жекпе-жектің соңғы сәтіне дейін алысты, бірақ қарсыласынан ұпай саны бойынша жеңіліп қалды. Оған "Жеңіске деген жігері үшін" грамотасы табысталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.