Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Қарақия аудандық сотында Ж- ға қатысты алаяқтықпен ( ҚК-нің 190-бабының 3-бөлігінің 2-тармағы) қылмыстық іс қаралды. Сотталушы учаскелік инспектор бола тұра, Ш мырзаны әкімшілік жауапкершілікке тартпаймын деп уәде беріп, одан алаяқтық жолмен одан 200 мың теңге көлемінде ақша алған, деп хабарлайды mangystaumedia.kz соттың баспасөз қызметіне сілтеме жасап.
Прокурор сотталушы Ж.-ны кінәлі деп танып,оған параның 15 еселенген сомасы мөлшерінде, яғни, 3 000 000 теңге айыппұл жазасын тағайындауды сұрады.
Сотталушы Ж. және оның қорғаушысы соттан жәбірленушінің кешірім бергенін ескере отырып, айыппұл жазасын қолдануды сұрады.
«Қылмыстық кодекстің 190-бабының 3-бөлігінің 2 тармағының санкциясында құқық қорғау органының қызметкері немесе құқық қорғау органында жауапты мемлекеттік лауазым атқаратын адам жасаған дәл сол іс-әрекет –мүлкi тәркiленіп, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып, жымқырылған мүліктің 10 еселенгеннен 20 еселенгенге дейінгі мөлшерінде айыппұл салуға не 3 жылдан 7 жылға дейінгі мерзiмге бас бостандығынан айыру түріндегі жаза көзделген. Сот сотталушы Ж-ның өз кінәсін толық мойындауын, шын ниетімен өкінуін және кәмелетке толмаған балаларының болуын қылмыстық жауапкершілікті жеңілдететін мән-жайлар ретінде, қылмыстық жауаптылығы мен жазасын ауырлататын мән-жайларға кәсiби антын бұзу мен өзінің қызмет бабын пайдаланып, қылмыстық құқық бұзушылық жасауын таныған» ,- деп хабарлайды соттың баспасөз қызметі.
Сот үкімімен Ж. Қылыстық кодекстің 190-бабының 3-бөлігінің 2- тармағымен кінәлі деп танылып, оған мемлекеттік қызметте лауазымдарды атқару құқығынан өмір бойына айыра отырып, параның 15 еселенген сомасы мөлшерінде 3 000 000 теңге айыппұл жазасы тағайындалды.
Сонымен қатар Ж-ға полиция капитаны шенінен айыру қосымша жазасы тағайындалған.
Сот үкімі заңды күшіне енген жоқ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.